Sagði hann af sér?

EF Hörður ætlast til að mark sé tekið á honum framvegis á hann að "segja af sér" eða draga sig í hlé!

Myndi hann sætta sig við "afsökunarbeiðni" frá þeim sem hann ásakar um siðferðisbresti?

Baðst afsökunar á ummælum

Athugasemdir

[Magnús Sigurðsson, 24.1.2009 kl. 15:32]

Hvort á hann að segja af sér sem sjálfboðaliði eða tónlistamaður?

[Georg P Sveinbjörnsson, 24.1.2009 kl. 15:34]

Vanhugsuð ummæli flokkast nú varla með siðferðisbresti eins og þann sem þjófar og spilltir stjórnmálamenn hafa gerst sig bera að.

[Ferningur, 24.1.2009 kl. 15:35]

Geir hefur nú ekki einu sinni viðurkennt að hann né neinn sem stendur honum nálægt hafi gert nokkuð rangt síðustu árin.

Hörður Torfa er hins vegar miklu meiri maður. Ef pólítíkusar væru eins og hann væri Ísland betri staður.

[Gunnar (IP-tala skráð) 24.1.2009 kl. 15:38]

Hörður er nú meiri maður en Ríkisstjórnin, Stjórar Seðlabanka og Fjármálaeftirlits.  HANN BAÐST AFSÖKUNAR..... það er meira en aðrir hafa gert.

Hann yrði enn meiri maður ef hann segði af sér!  En þetta var flott hjá honum.

[Gísli (IP-tala skráð) 24.1.2009 kl. 15:39]

Jónas, hvernig á sjálfboðaliði að segja af sér?  Ekki var hann kosinn til æðstu stofnunar landsins, eins og hin vanhæfa ríkisstjórn er rígheldur nú í ráðherrastólana, er það?

Hvílík vitleysa sem sumt fólk lætur út fyrir varir sínar!

[Ólafur Ingi Hrólfsson, 24.1.2009 kl. 16:06]

Það getur engin afsökunarbeiðni þvegið sorann af herði Torfasyni sem afhjúpaði sig í ýmsum útgáfum af sóðaskapnum í viðtalinu.

Ólafur I Hrólfsson

[Björn Ívar (IP-tala skráð) 24.1.2009 kl. 16:13]

Og haldið þið í alvöru að Ríkistjórnin og allir sem hafa stjórnað síðustu árin hafi viljandi gert landinu ógreiða?

 Það er enginn sem reyndi viljandi að gera einhvað vitlaust og heimskulegt. Nema þá kannski útrásarmennirnir.

og auðvitað hefur Geir og fleiri viðurkennt að mistök hafi verið gerð!

Hann sagði að það væri óumflýanlegt að gera einhver mistök og að Ríkistjórnin hefði gert nokkur slík.

 Ef Hörður vill að ríkistjórnin víki fyrir mistökin sín þá ætti hann að víkja sjálfur fyrir sín mistök.

Held þið myndi hjálpa málstað mótmælenda líka.

[Georg P Sveinbjörnsson, 24.1.2009 kl. 16:22]

Ertu í ófrægingarherferð Ólafur, búinn að sjá þetta lélega copy/paste komment víðar í dag.

[Heiðar Birnir, 24.1.2009 kl. 16:22]

Jónas, langar til að biðja þig um að lesa þessa grein.

http://larahanna.blog.is/blog/larahanna/entry/781973/

[Jónas Egilsson, 24.1.2009 kl. 16:23]

Skaðinn er skeður. Það er ekkert "undo" í raunveruleikanum.

Rétt er að um sjálfboðaliðastarf að ræða og því auðveldara að segja sig frá verkefninu og draga sig í hlé.

Ef marka má ofangreind viðbrögð, sum hver a.m.k., þá er greinilega munur á Jóni og Sr. Jóni! Sorglegt upphaf á siðferðisumbótum í samfélaginu.

[Árni Gunnarsson, 24.1.2009 kl. 16:28]

Hörður Torfason kann mannasiði. Hann mun ekki verða umræðuefni alþjóðasamfélagsins vegna heimsku, hroka og afneitunar eins og þau stjórnvöld sem hann og stærstur hluti þjóðarinnar hefur lýst yfir vantrausti á.

[Guðmundur Freyr Hansson, 24.1.2009 kl. 17:02]

Og þú segist vera stjórnmálafræðingur.

Ég held að það þurfi ekki að segja meira um þessi skrif þín.

[dittó (IP-tala skráð) 24.1.2009 kl. 17:03]

Væri ekki bara flott að fá Hörð Torfason til að mynda nýja stjórn ?

[Magnús Jón Aðalsteinsson (IP-tala skráð) 24.1.2009 kl. 17:42]

Þeir einu sem finnst mikilvægara að Hörður Torfason segi af sér, frekar en ríkisstjórn sem allt hefur klessukeyrt í efnahagi og þjóðlífi Íslendinga, eru Sjálfstæðismenn. Og það er svosem engin tilviljun, valdagrægðin er algjörlega taumlaus. Eins og sást nú svo vel á Borgarstjórnar ruglinu hér 2007 og 2008..

[Guðmundur Pétursson, 24.1.2009 kl. 17:43]

Þetta snýst um að stofna nýtt lýðveldi á nýjum forsendum. Ekki um afsökunarbeiðnir eða óheppileg ummæli einhverra einstaklinga.

[Hlédís, 24.1.2009 kl. 18:00]

Eru Jónas og þetta þarna fyrirbrigði, Ólafur Hrólfsson á launum í heimskulegri áróðursherferðinni? ' Öllu má trúa upp á spillingarliðið sem óttast nú að missa völdin - og nóg hefur það dregið sér af fé til að geta borgað vel fyrir.

[Þorsteinn R. Þórsson (IP-tala skráð) 24.1.2009 kl. 18:20]

Þetta er náttúrulega algjör snilldar hugmynd að sjálfboðaliði eigi að segja af sér.  Minnir helst á þegar Bush vildi herða viðurlög við sjálfsmorðsárásum. 

[Jónas Egilsson, 24.1.2009 kl. 18:50]

Siðfræði "nýja" Íslands! Tilgangurinn helgar meðalið og menn dæmdir fyrir menntun sína og siðferðisbrestir í lagi svo lengi sem þeir verða "réttu" meginn í þjóðfélaginu!

Ég er þegar farinn að hlakka til þar-næstu kosninga - já og mótmæla!

Steini - Já, sjálfboðaliði getur sagt sig frá verkefni - ekkert auðveldara - engir fjárhagslegir hagsmunir í húfi!

[Davíð Arnar (IP-tala skráð) 24.1.2009 kl. 19:44]

Það er nú kannski smá munur á hvort menn eigi að segja af sér vegna vanhugsaðra ummæla um einn mann, eða eftir að hafa lagt efnahag heillar þjóðar í rúst. Það er hægt að sjá að sér og draga ummælin til baka, en hitt er öllu meira mál.

[Jónas Egilsson, 24.1.2009 kl. 20:19]

Gott og vel Davíð Arnar.

Nákvæmlega, hver er sökin? Nákvæmlega hver er sekur og fyrir hvað?

EF dæma á menn, þurfa sakagiftir og ábyrgð að liggja fyrir. Í villta vestrinu svokallaða og á tímum galdrabrenna tíðkaðist að hengja menn (og konur) án dóms og laga. Stundum nægði harðæri til að kóngar og aðrir væru reknir frá völdum svona í þeirru von að veðrið batnaði.

Við höfum hingað til haft réttarríki og er óeðlilegt að það fái að hafa sinn framgang? Er óeðlilegt að gera í raun sömu kröfur til Harðar Torfasonar og hann gerir til annarra?

[Þorsteinn R. Þórsson (IP-tala skráð) 24.1.2009 kl. 20:53]

Í siðuðum þjóðfélögum í kringum okkur þá segja menn gjarnan af sér (þ.e. stjórnmála og embættismenn ) ef þeir gera alvarleg mistök í starfi.  Heldur þú virkilega Jónas að það sé hægt að sökkva þokkalega velsettri þjóð í skuldafen á nokkrum árum án þess að til komi algjör vanhæfni og/eða spilling embættis- og ráðamanna.  Ef að það er þín skoðun að embættismenn og ráðherrar eigi ekki að segja af sér fyrr en þeir hafa verið dæmdir fyrir dómi þá er náttúrlega óþarfi að vera að reyna einu sinni að rökræða við þig um þessi mál. 

Ef einhver ráðherra eða seðlabankastjóri hefði hagað sér eins og þeir Klemens-bræður um daginn þá hefðu þeir væntanlega sagt af sér (ja eða þá að allt hefði orðið brjálað).  Það er vegna þess að það eru gerðar miklu strangari (eðlilega) kröfur til þeirra vegna stöðu þeirra í þjóðfélaginu heldur en okkur hinna.  Þeir þurfa sem sagt ekki endilega að brjóta lög og vera dæmdir fyrir til þess að segja af sér.  Geri reyndar ráð fyrir að þetta sé kennt í stjórnmála-fræðinni en maður veit samt aldrei.

Svo til að ítreka einu sinni enn, Hörður átti ekki þátt í að setja þjóðina á hausinn auk þess sem Hörður hefur heldur ekkert embætti til að segja af sér.  Ef ég hætti í vinnunni þá segi ég ekki af mér ég segi einfaldlega upp, sjálfboðaliðinn þarf ekki einu sinni að segja upp hann hættir bara.

[Hlédís, 24.1.2009 kl. 21:08]

Gat nú verið að Jónas segði: Menn,....og konur"  Eru konur hross, kettir eða geitur Jónas? Nei þær eru menn, - kvenmenn. Ert hann ekki skólagenginn í íslenskum skólum?

      -------

Áróðurs'"meistarar" vita sjálfir að snúið var út úr orðum Harðar í gær, Jónas!  Þú getur hætt þessum látalátum!

Vertu blessaður.

[Jónas Egilsson, 24.1.2009 kl. 23:34]

Hlédís. Þú getur hlustað sjálf á Hörð, hvað hann sagði og hvað hann ítrekaði. Það þarf ansi blinda manneskju til að sjá þetta ekki. Reyndar voru það aðallega karlmenn sem voru hengdir eða skotnir í villta vestrinu, en það var annað mál. Slóð með upptöku viðtals við Hörð má finna: http://www.mbl.is/media/96/1196.wav

Steini minn. Ef dæma á menn þurfa að liggja fyrir SANNANIR. Það er verið að rannsaka þessi mál og í kjölfarið verður að draga menn til ábyrgðar. Ég vil líka spyrja þig, hver ber ábyrgð á hruninu í Bretlandi? Ennfremur, hver er munurinn t.d. þar og hér. Svo vil ég taka það alveg skýrt fram, að þessi menn hvort sem er í FME, SB, á þingi, eða ríkisstjórn mega og eiga að fara eða standa skil á gjörðum sínum.

Getur þú síðan sagt mér hver nákvæmlega sökkti þjóðinni í skuldafenið? Ríkissjóður var því sem næst skuldlaus fyrir hrun - sem breyttist nærri því á einni nóttu. Almenningur er hins vegar skuldum vafinn upp fyrir haus. Sum fyriræki líka. Byggingaverktakar hafa byggt og byggt. Hver átti að stöðva það? jú, bankarnir, en þeir eru ekki þeir einu. Spurðu Obama og Brown ef þú trúir mér ekki.

Varðandi embættisfærslur sem þú ert að íja að liggja álit sérfræðinga - sum ákaflega vönduð og veigamikil. Ef þú heldur að slíkt komi ekki við kauninn á stjórnmálamönnum, þá kærir þú þig ekkert um að velta því fyrir því. En ekki ætla ég að verja gjörðir þeirra, en bendi þó á að þeir hljóta dóm kjósenda. Í öllu falli er ekki hægt að lögsækja þá. Varðandi launakjör og sposlur handa stjórnmálamönnum og flokkum, þá eru þeir allir í sömu súpunni, Steingrímur J., Ögmundur, Össur, Guðjón Arnar o.fl., o.fl. Ég skal alveg styðja þig í að laga þessi mál, fækka þingmönnum, taka inn varamenn þegar þingmenn verða ráðherrar, efla þingið o.fl. í þeim dúr.

Þú talar um siðuð samfélög. Á Ítalíu hafa stjórnmálamenn þurft að segja af sér mörgum sinnum - þeir koma aftur. Annað "siðað dæmi" er um Ritt Bjerregaard, sem er nú er borgarstjóri Kaupmannahafnar, sagði af sér ráðherradómi og síðar þingmennsku, enn síðar sagði hún af sér þingsæti á Evrópuþinginu vegna hneyklismála. Mikið siðferði það. Peter Mendelsohn sem nú er aftur orðinn viðskiptaráðherra og mikill vinur Blairs varð að segja af sér út af misnotkun á opinberu fé! Viltu fleiri dæmi?

Hörður Torfason er að gera kröfur um ábyrð og siðferði annarra. Hann getur því ekki skorast undan því að leggja sjálfan undir sama dóm, hvort sem sakirnar eru miklar fjárhagslega eða siðferðislega. Hann gerði sig sekan um alvarlegan dómgreindarbrest, nokkuð sem hefði verið notað óspart á t.d. Geir Haarde hefði hann sagt þetta.

[Jónas Egilsson, 24.1.2009 kl. 23:45]

Steini

Ég gleymdi því að þessi ráðherra viðskiptamála Verkamannaflokksins í Bretlandi núna Peter lávarður Mendelsohn, er búinnn að segja af sér tvisvar og náttúrulega heldur því fram að hann hafi ekkert gert af sér!

[Guðmundur Pétursson, 25.1.2009 kl. 00:27]

BM Vallá

[Reynir (IP-tala skráð) 25.1.2009 kl. 01:13]

Hörður var einn af þeim fáu sem hafa tjáð sig um þetta tilfinningaklám.

Í stað þess að viðurkenna að ríkisstjórnin er fallin,
Sjálfstæðisflokkurinn blandar saman tilkynning um
kosningartillögu og veikindi hans Geirs til að breiða yfir
niðurlæginguna sem flokkurinn gengur nú í gegnum og safna sér
stuðningi og samúð. Þetta var bara pólitiskt strategía.

En ég vorkenni þau sem horfði á Geir og Davið sem Jesús og Guð
þeirra, og Sjálfstæsðisflokkur sem trú: það hlýtur að vera
ótrúlega erfitt að fatta allt í einu að Guð og Jesús þeirra eru
búinn að svikja þeim allan tíma. Sjálfstæðisflokkur, Rikistjórn, Davið Oddsson og FME eru landráðamenn sem munu
aldrei biðja um afsökunnar..

Svona var mótmælt í gær:
http://www.youtube.com/watch?v=VjptqbfYcEI&eurl

[Ólafur Ingi Hrólfsson, 25.1.2009 kl. 07:08]

Georg - þú átt eftir að sjá miklu meira - ófrægingarherferð - á móti hverjum??

Sóðaskapurinn í róginum gegn ríkisstjórninni er svo andstyggilegur að hann er

ykkur einum samboðinn - en ekki siðuðu fólki og hafðu eftirfarandi í huga vesæll maður

hörður baðst afsökunar vegna þess fjölda "stuðningsmanna " hans sem fordæmdu sóðaskapinn.

Afsökunarbeiðnin er því jafn innantóm og fölsk og hann er sjálfur.

Núna ætla þessir hópar að bjóða fram - hóf Nasistaflokkurinn ekki starfssemi sína með ofbeldi - og lauk henni með heimsstyrjöld.

Það verður fróðlegt að fylgjast með framboðum þeirra og afleiðingum þeirra.

Ólafur I Hrólfsson

[Jónas Egilsson, 25.1.2009 kl. 10:01]

Niðurstaða "harðarsinna" er sú, af því að þeim finnst einn hafa brotið af sér, þá sé í raun allt réttlætanlegt.

Afsökunarbeiðni var send til Geirs í gegnum aðstoðarmann hans í ráðuneytinu. Kjarkurinn var ekki meiri en það!

Eftir stendur að Hörður hefur ekki sagt sig frá þessu verkefni, vegna dómgreindar- og siðferðisbrests! Hann á að gera sömu, ef ekki meiri kröfur til síns sjálfs, en annarra.

[Hlédís, 25.1.2009 kl. 11:30]

Síðasta innlit á þessa síðu! Lofa því með ánægju!

Af þessu eilífa Harðar-tuði, sérlega í þér, Jónas, sjást greinilega áhyggjur af hve Kröfu-hreyfingin sem  Hörður, ásamt fleirum, kom af stað, er nú orðin sterk. Þú blekkir engan með þessu.

[Guðmundur Pétursson, 25.1.2009 kl. 11:38]

Orð Harðar voru óheppileg og sögð í hita leiksins, hvernig hann tekur á þessu er hans mál.

Hann er ekki fulltrúi neins nema sjálfs síns. Annars er þetta stormur í vatnsglasi.

Að sjálfsögðu óska langflestir að Geir öðlist góðan bata af sínum veikindum. Það breytir því ekki að sem forsætisráðherra hefur hann sýnt af sér ótrúlegt dómgreindarleysi og valdhroka. Hann er með öllu óhæfur í því starfi.

Meginatriðið í þessu er að umbæturnar haldi áfram. Núna er Björgvin hættur og búið að hreinsa til í FME. Næst verður það seðlabankinn og síðan fáum við nýja stjórn upp úr páskum. Helst þyrfti stjórnin að segja af sér strax og utanþingsstjórn mynduð til þess að halda um taumna framyfir kosningar.

En þetta er bara byrjunin. Breyta þarf stjórnarskránni í þá veru að skerpa aðgreiningu dóms-, framkvæmda og löggjafarvalds. Síðast en ekki síst þarf síðan að uppræta með öllu þetta ömrlega spillingar flokksræði sem hefur náð að hreiðra um sig í íslensku þjóðfélagi í gegnum tíðina. Það er hið mesta þjóðarmein og á stóran þátt í þeirri ömurlegu stöðu sem Ísland stendur frami fyrir núna.

[Jónas Egilsson, 25.1.2009 kl. 12:09]

Hlédís.

"Aðaltuðari" eins og þú nefnir það er e.t.v. Hörður sjálfur, skv. þinni eigin skilgreiningu.