Í hvorn vinstri fótinn stíga Vg og þeirra pólitísku málaliðar?

Vinstri grænir eru greinilega hálfviltir í umhverfismálum. Þeirra aðal postuli í þessum efnum, Kolbrún Halldórsdóttir vill greinilega stöðva uppbyggingu atvinnutækifæra og hætta olíuleit á Drekasvæðinu og að sjálfsögðu hætta við uppbygginu álvera og þeirra þúsunda starfa sem í kjölfarið skapast. Æðsta ráð Vg er ekki samála Kolbrúnu og hefur sett ofaní við hana og fara undan í flæmingi þegar gengið er á þá nánar um þessi mál.

Hinir pólitísku málaliðar ríkisstjórnarinnar, Samfylkingin er jafn tvístígandi. Þórunn Sveinbjarnardóttir er í svipaðri stöðu og skoðanasystir hennar úr Vg. Þær mega ekki tjá sig um umhverfismál, nema í hófi.

Össur vill og vill ekki álver eða olíuleit. Hann er hinn dæmigerði pólitíski málaliði sem skiptir skoðun í miðri setningu. 

Kjósendur verða fá skýr svör um hvað hin væntanlega vinstri stjórn ætlar að gera að loknum kosningum og hvort treysta þurfi á stjórnarandstöðuna til að tryggja atvinnuuppbyggingu í framtíðinni.