„Óvinveitt“ yfirtaka Íslandshreyfingarinnar?

Íslandshreyfingin hefur nú gengið Samfylkingunni á hönd og hinn pólitíski munaðarleysingi, Margrét Sverrisdóttir hefur fengið húsaskjól á ný. Skuldir Íslandshreyfingarinnar námu um 29. m.kr. í árslok 2007.

Spurt er hvort skuldir Íslandshreyfingarinnar hafi fylgt með í „kaupunum“ og hvort sýnileg ríkisstjórnaraðild Samfylkingarinnar og Íslandshreyfingarinnar þar með, eigi að „leysa“ skuldavanda Íslandshreyfingarinnar á kostnað skattborgaranna?

Skuldir Samfylkingarinnar námu í árslok 2007 um 124 m.kr.  Samtals voru sameiginlegar skuldir hins sameinaða framboðs alls um 153 m.kr. og þá eru hvorki verðbótum né vöxtum bætt við.

Í ljósi a.m.k. fyrri afstöðu formanns Íslandshreyfingarinnar til Samfylkingarinnar má einnig velta því fyrir sér hvort hér hafi verið um „óvinveitta“ yfirtöku á eins stjórnmálaflokks öðrum að ræða. 

Athugasemdir

[Gestur Guðjónsson, 13.4.2009 kl. 09:39]

Ég verð satt best að segja að ég vorkenni Samfylkingunni hvernig kommarnir fóru með hana.

Alþýðubandalagið kom inn í Samfylkinguna með skuldirnar frá Þjóðviljanum en Steingrímur J og Hjörleifur hirtu svo gamla félagatalið og náðu megninu af gömlu kommunum yfir í fjárhagslegan hvítvoðung VG, en skildu skuldirnar eftir.

[Jónas Egilsson, 13.4.2009 kl. 12:44]

Tær snilld hjá þeiHjörleifi og Steingrími, eða þannig.

Ætli þetta forskrift þeirra Steingríms J. á fjárhashalla ríkisssjóðs og Svavars Gestssonar að lausn Icesave deilunnar?