Er Jóhanna Sigurðardóttir enn að brjóta lög?

Nýskipað bankaráð Seðlabankans er „ólöglegt“ skv. jafnréttislögum, sem kveður á um að hlutfall annars kynsins megi ekki fara niður fyrir 40%!

Þetta er sérlega athyglisvert þegar skoðað er hver á hlut í þessu máli, þ.e. aðeins ein kona af fjórum fulltrúum ríkisstjórnarflokkana er kona, eða 25%, en þrír karlmenn. Stjórnarandstaðan tilnefnir þrjá fulltrúa því getur hlutfallið aðeins verið best 2 og 1, sem og er raunin.

Það eru því Jóhanna Sigurðardóttir og hennar liðar sem eru að brjóta jafnréttislögin eða a.m.k. að ganga þvert á anda þeirra. 

Það yrði í annað sinn á hennar forsætisráðherraferli sem hún yrði uppvís að slíku, sem myndi gera eitt brot á mánuði að jafnaði. Í síðasta mánuði fékk hún á sig dóm fyrir að hafa brotið á manni sem tilnefndur hafði verið í nefnd.

Spurning hvort Jóhanna íhugi nokkuð að segja af sér ef Kristín Ástgeirsdóttir framkvæmdastjóri jafnréttisráðs kemst að því að lög hafi verið brotin - sérstaklega í ljósi fyrri yfirlýsinga hennar um strangar kröfur til ráðherra og að farið skuli að lögum!

Athugasemdir

[zappa (IP-tala skráð) 18.3.2009 kl. 09:04]

það er nú varla hægt að búast við að Jóhanna fari að setja fordæmi á þessum stutta ferli sínum,fyrst fyrrverandi forsætisráðherra og sjávarútvegsráðherra sáu ekki ástæðu til að bregðast við að hafa fengið á sig dóm frá mannréttadómstól evropu,sem bara var snúið útúr a la sjálfstæðisflokkur.það hefði ég talið alvarlegra enn brot á jafnréttislögum,þó að það afsaki ekki gerðina sem slíka,það hefur bara aldrei neinn íslenskur stjórnmálamaður í seinni tíð þurft að axla ábyrgð á sínu klúðri.skýla sér alltaf bak við að þeir axli sína ábyrgð í kosningum,setja sig svo í efsta eða eitt af efstu sætunum,til að þurfa ekki að standa skil á neinu..lögbrjótar? eða svikvarar?veldu...

[Jónas Egilsson, 18.3.2009 kl. 09:09]

M.ö.o. hún geri meiri kröfur til annarra ráðherra og stjórnmálamanna en til sín! Ennfremur að það sé ekkert að marka allt það sem hún hefur sagt. Þetta er athyglisvert sjónarmið.