Skeleggur maður, Tryggvi Þór

Tryggvi Þór gengur þarna á undan með góðu fordæmi, þar sem hann óumbeðið gerir grein fyrir sínum málum.

Í allri þessari umræðu um efnahagsleg tengsl stjórnmálamanna við atvinnulífið er nauðsynlegt að framboðsefni hafi einhverjar viðmiðunarreglur til að styðjast við þegar ákveðið er að fara í framboð. 

Reyndar ættu þingmenn að geta átt og ættu sem flestir að eiga hlut af sínum sparnaði í formi hlutafjár. Slíkt þarf ekki að orsaka neina hagsmunaárekstra, ef allar eignir væru t.d. settar í það sem á ensku er kallað „Blind Trust.“ Þá væri hlutafé, verðbréf o.fl. í höndum sérfróðra aðila og eigendur hefðu ekki vitneskju í hvaða fyrirtækjum eignir þeirra lægju. Þá gætu stjórnmálamenn óhikað lagt fyrir sparifé sitt í hlutafé og tekið þátt í stjórnmálum án þess að eiga á hættu að til hagsmunaárekstra komi.

Þarna eru komnar tillögur um tvö baráttumál fyrir Tryggva Þór. 

Tryggvi Þór: Greinir frá fjárhagslegum tengslum sínum

Athugasemdir

[Finnur Bárðarson, 9.3.2009 kl. 15:03]

Gott mál.

[Einar Áskelsson (IP-tala skráð) 9.3.2009 kl. 20:47]

Skynsamur og traustur maður Tryggvi. Fólk heldur að hann sé búinn að vera að fjármálaævintýrast lengi. Því fer fjarri. Lengi forstöðumaður Hagfræðistofnunar HÍ. Þetta var gott hjá honum. Í raun með ólíkindum af hverju það sé ekki komið í kosningalög að frambjóðendur geri það sem Tryggvi og fleiri hafa gert. Í því skyni má hrósa þingmönnum Vg. Og það hef ég ekki oft gert. Annars geta stjórnmálamenn sparað eins og þorri landsmanna. Þeir verða að hafa hreint borð. Velja og hafna.

[Jónas Egilsson, 9.3.2009 kl. 21:21]

Einar.

Þeir þurfa að geta sýnt fram á þeir séu ekki að taka ákvörðun á þingi vegna tengsla sinna við tiltekin fyrirtæki eða atvinnugreinar. En það er rétt, þeir þurfa að hafa hreint borð.