Framtíðarleiðtogi að missa kjarkinn?

Ágúst Ólafur hefur þótt með skeleggari mönnum á þingi, þótt ungur sé. Hins vegar hljóta efasemdir um leiðtogahæfileika hans að vakna ef hann er að missa kjarkinn vegna þessara umræðna.

Eða eru þessi ummæli liður í valdabaráttu í Samfylkingunni? 

Óhjákvæmilegt að kjósa í vor

Athugasemdir

[ari (IP-tala skráð) 21.1.2009 kl. 13:49]

Ég held að þetta sé kallað á ensku "to wake up and smell the roses"

Stjórnvöld hafa ekki tekið þær ákvarðanir sem þurft hefur, landsmenn eru ósáttir (nokkur þúsund manns niðri í miðbæ eru bara þeir allra reiðustu, með líkamlega getu til að taka þátt í mótmælum, svolítið eins og toppurinn á ísjaka) 

Auðvitað hafði Árni Matthiesen líka áhrif á ósættið. Fullkomið ábyrgðarleysi einkennir allann flokk hans, samfylkingin þarf að ákveða hvort hún vilji vera fast tengd við vafasamasta flokk landsins á svartasta tíma síðan við fengum sjálfstæði. Það er ekki endilega skemmtilegur staður í sögubókum að vera minnst sem handbendis spillingarafla.

Yfirmenn flokka sjá (sumir hverjir) að við þessar aðstæður er ekki hægt að vinna. Það þarf að kjósa um hvaða stefnu skal taka. 

Ágúst Ólafur er öflugur, einn af þeim sem getur leitt flokkinn áfram. Áfram í þessu tilfelli er sennilega út úr þeirri stöðu að vera kjölturakki Geirs.

[Lena (IP-tala skráð) 21.1.2009 kl. 13:59]

Er það að tala um staðreyndir sama og að missa kjarkinn? Ég sé ekki betur en að Ágúst Ólafur er bara raunsæ og sér hlutina eins og þeir eru og bregst við því í staðinn fyrir að stinga hausinn í sandinn. Hann er svo sannarlega vænlegt efni í framtíðarleiðtoga að mínu mati, ég hef aldrei kosið samfylkinguna en það gæti vel breyst ef þeir taka af alvöru á málunum.

[Hermann K (IP-tala skráð) 21.1.2009 kl. 14:10]

Í alvöru, ertu að efast um leiðtogahæfileika mannsins af því hann er að detta í kosningagírinn?

[Jónas Egilsson, 21.1.2009 kl. 20:31]

Eitt er að fylgja straumnum og sýna leiðtogahæfileika. Anna og mun minna er að fylgja straumnum. Taka stöðuna - loks þegar mótmælin eru orðin nógu mikil og taka síðan afstöðu.