Athyglisverð ásökun

Þessi frétt er sérlega athyglisverð í ljósi þess sem gerst hefur áður. Aðildarþjóðir að Alþjóða hvalveiðiráðinu (IWC) eru 48. Skv. stofnskrá geta allar þjóðir sem styðja markmið ráðsins gert það.

Hingað til hafa ríki eins og Sviss og San Marínó ekki verið þekktar hvalveiðiþjóðir. Þær eru þarna í þeim tilgangi, verður að ætla til að friða hvali. Með öðrum orðum, þau ríki sem saka Japani um að fá inn ný ríki sem styðja hvalveiðar, hafa tekið þátt í þessum leik sjálf með einum eða öðrum hætti.

Þetta er nákvæmlega hættan sem stafar að IWC. Íslendingar sem hafa mikla hagsmuni af góðri stjórnun, þurfa að taka frumkvæðið í að gera ráðið starfhæft og marktækt til framtíðar og forða því frá "meðlimakapphlaupi" í baráttu um atkvæðavægi innan þess.

Japanar enn sakaðir um atkvæðakaup í hvalveiðiráði

Athugasemdir

[Fannar frá Rifi, 1.10.2008 kl. 10:35]

"Alþjóða hvalveiðiráðinu"

hvaða hvalveiðum stjórnar þetta ráð? með áheyrnarfulltrúa frá Greenpeace sem situr fundi. 

Ættum að taka höndum saman við Japönum og Norðmönnum og stofna nýtt hvalveiðiráð. 

[Jónas Egilsson, 1.10.2008 kl. 10:45]

Alveg sammála þér efnislega. Hins vegar eru fleiri leiðir framhjá Greenpeace og ein væri að fara með þetta í formlega stofnun Sameinuðu þjóðana. Þar væri Greenpeace og önnur slík samtök fyrir utan.

[Úlfur (IP-tala skráð) 1.10.2008 kl. 14:09]

Þegar ég borða hrefnusteik drekk ég helst ástralskt rauðvín með því.

Af einhverjum ástæðum veitir það mér ánægju.

[Jónas Egilsson, 1.10.2008 kl. 14:48]

Af einhverjum ástæðum má borða kengúrukjöt og helst sem mest af því!