Lítið leggst fyrir fyrrum heimsveldi og ráðherran

Ekki á hann sér orðið miklar málsbætur, breski forsætisráðherran. Nú telur hann sér það helst til tekna að hafa náð sér niðri á íslensku þjóðinni með því að beita lögum um hryðjuverkamenn á starfsemi banka í eigu Íslendinga í Bretlandi. 

Lítið leggst orðið fyrir leiðtoga fyrrum heimsveldis sem teygði sig heimshorna á milli og þar sem sólin settist aldrei, ef eitt helsta afrekið í sparðartíningarræðu hans á flokksþingi bresku Verkamannaflokksins er ofangreint afrek!

Í þorskastríðunum, sem Bretar töpuðu öllum, höfðu þeirr sjáanlega hagsmuni nokkurra byggðalaga í huga. En nú er gripið til örþrifaráða til varnar ört minnkandi fylgi nokkrum mánuðum fyrir kosningar. Ráðist á þá sem enn minna mega sín.

Þakkaði Brown fyrir að bjarga Icesave

Athugasemdir

[Jón Steinar Ragnarsson, 29.9.2009 kl. 21:48]

Merkileg setning í ræðu hans er þessi: ".. breskur almenningur á ekki að borga fyrir bankana. Nei, bankarnir eiga að borga breskum almenningi til baka,"

Skyldi hann vera að senda okkur skilaboð um að standa á sama prinsippi, eða telur hann önnur lögmál gilda um breskan almenning en Íslenskan?

Tjah...maður spyr sig...

[Jónas Egilsson, 29.9.2009 kl. 22:24]

„Sumir eru jafnari en aðrir“ er farið að hljóma kunnuglega skv. því sem þessi Gordon segir.

[Guðjón Sigþór Jensson, 29.9.2009 kl. 22:38]

Eru þetta ekki greinileg einkenni á ómerkilegum lýuðskrumara?

Mosi

[Guðjón Sigþór Jensson, 29.9.2009 kl. 22:38]

Eru þetta ekki greinileg einkenni á ómerkilegum lýðskrumara?

Mosi