Hefur Guð húmor?

Auglýsing Símans um Síðustu kvöldmáltíðina er í sjálfu sér hvorki merkileg ný neitt sérstaklega fyndin. Hins vegar er hún ekkert móðandi, nema e.t.v fyrir mjög strangtrúaða.

Jón Gnarr sjálfur hittir naglan á höfuðið, því hann tengir trúboðið við nútíman, sem alltof oft vantar hjá okkur sem eldri erum. Okkur skortir skilning á því sem yngri kynslóðin eru að gera, kunna og þekkja. Við þurfum nefnilega að koma til þeirra yngri, á þeirra forsendum og sannfæra þau um að hvert þau eigi að stefna, en ekki búast við það þau sái ljósið sjálf.

Á áttunda áratug síðustu aldar var þáverandi biskup spurður álits á uppfærslu á Jesus Christ Superstar hér á landi og var hann almennt jákvæður, þótt hann tæki ekki undir allt sem þar var sett á svið. Sama mætti núverandi biskup gera, fagna því að sögsvið Biblíunnar sé notað sem vettvangur til að koma skilaboðum áleiðis. Þó ber að forðast ofnoktun, eins og biskup vara við.

Horfum á björtu hliðarnar. Ef Guð skapaði manninn í sinni mynd, hefur hann smáhúmor líka.

Biskup segir nýja auglýsingu Símans smekklausa

Athugasemdir

[Grarl (IP-tala skráð) 4.9.2007 kl. 17:11]

Mér finnst alltaf mjög hæpið þegar kirkjan fer að gagnrýna svona hluti. Ekki get ég á nokkurn hátt séð að það sé verið að gera lítið úr kirkjunni hér. Það sama átti sér stað þegar páskaþátturinn frægi hjá Spaugstofunni var sýndur og endaði það í kæru eins og frægt varð.

Við súpum hveljur þegar íslamstrúarmenn garga yfir skopmyndum af spámanninum sem birtast í erlendum blöðum. Persónulega sé ég engan mun á þessu tvennu.

[Jónas Egilsson, 4.9.2007 kl. 17:20]

Við megum neflilega vara okkur á því að vera ekki of fordómafull, leyfum svolítið skopskyn. Það hjálpar til í lífinu.

[Sigurður Guðleifsson (IP-tala skráð) 4.9.2007 kl. 18:21]

Hvernig geta menn lagst svo lágt .  Sem taka að sér svona hlutverk eingöngu peningana vegna .  Og segja svo . Ég harma það ef ég hef sært einhvern.  Hvar kemur það fram í ritningunni að Júdas hafi ekki mætt á réttum tíma.  Og við síðustu kvöldmáltíðina sátu þeir ekki við borð eða sátu á stólum frá Ikea. Á þeim tímum var setið á gólfinu og maturinn settur á dúk. Eíns og gert er enn víða í Austurlöndum. Það er ekki nóg að segjast vera Kristinn. Maður verður að haga sér þannig. Vertu maður og gefðu tekjurnar af þessu til góðs málefnis. Sig.G. 04.09 07.